Assalamu’alaikum W.W. Kamuko rang gadang basa batuah, cadiak pandai dalam nagari, para dusanak nan ado di sidang Multiply indak dapek ambo imbauan namo jo gala surang-surang. Ambo anta sambah, jo carano nan baisi siriah jo pinang, manjapuik kato jo mufakaik. Ado nan takana ciek dihati, untuak ikuik bapartisipasi mamajukan rang kampuang awak, baiak nan di kampuang atau nan di rantau supayo tatap baradaik: "Adaik basandi syara', syara' basandi kitabullah Syara' mangato, adaik mamakai" Kini nan tun ambo ingin mampasambahkan ciek palanta tampaik awak bakucindan. Jo muko nan janiah, jo ati nan suci dan jo saba kami tunggu dunsanak rang Minang, rang sumando dan simpatisan disiko, dipalanta ko. Insyaalah mambari manfaat nan aguang untuak kamajuan kito basamo rang Minangkabau, sarato bangsa Indonesia pado umumnyo. Wabillahi taufiq wal hidayah. Wassalamu’alaikum W.W. Uni Molly  | |||||
| | ||||
|
